522 पटक हेरिएको 
दाेलखा, माघ २०, २०७८, उत्तरी गाैरीशंकरकाे टासीनाममा अवस्थित पुरातात्त्विक एवं धार्मिक संस्था ने टासी ञिङ्मा छाेलिङ गुम्बाको दाेस्राे साधारणसभा हुने भएको छ । काेराेना भाइरसकाे महामारीले राेकिएकाे साधारणसभा तथा सार्वजनिक सुनुवाइ आगामी माघ २६ गते गरिने व्यवस्थापन समितिका अध्यक्ष दमे शेर्पाले बताए । वि.स. १९८० सालमा स्थापित साे गुम्बा गाैरीशंकर गाउँपालिकाकाे पुरानो र ऐतिहासिक पुरातात्त्विक धार्मिक संस्था हाे । गुम्बाकाे पुरानो भाैतिक संरचना २०७२ सालको विनाशकारी भुकम्पबाट भत्किएको हुदा व्यवस्थापन समितिले आर्थिक सहयोग संकलन गरि स्थायी भवन निर्माण गरेर दैनिक पुजापाठकाे लागि २०७६ जेठ ४ गते बुद्ध जयन्तीबाट सुरुवात गरिएको थियोे ।
हाल साे गुम्बा आर्थिक स्रोतको अभावले पुर्णरुपमा निर्माण सम्पन्न नभएता पनि दिगो र भूकम्प प्रतिरोधात्मक भवन निर्माण गरि पुजापाठ गरिदै आएको छ । दाेलखाकाे उत्तरी भेगमा स्थानीयकाे पहलबाट स्रोत र साधन जुटाई बनेकाे याे गुम्बा पहिलो स्थानमा पर्दछ । यहि माघ १९ गते कार्यक्रम तयारीका लागि बसेको व्यवस्थापन समितिकाे बैठकले साधारणसभा मार्फत आयव्यय सार्वजनिक गरि नयाँ व्यवस्थापन समितिकाे निर्वाचन समेत गरिने समितिका अध्यक्ष दमे शेर्पाले वताए । साे साधारणसभा सफल पार्नकाे लागि गुम्बकाे समिति अर्न्तर्गत पदाधिकारीहरु, संरक्षक प्रमुख, संरक्षक, सल्लाहकारहरु, आजीवन सदस्य तथा साधारण सदस्यहरु लगाएत सम्पूर्ण वडाबासीलाई सहभागी हुनकाे लागि निमन्त्रणा गरिएकाे छ ।
