166 पटक हेरिएको 
काठमाडौं । सुनकोशी दुर्घटनामा बेपत्ता भएका सीटीईभीटी कर्मचारीको शव फेला परेको छ । शनिबार बिहान यमप्रसाद भुर्तेलको शव उदयपुरको ताप्ली गाउँपालिका-५ स्थित सुनकोशी नदी किनारमा फेला परेको हो ।
योजना महाशाखा निर्देशक भुर्तेलको शव दुर्घटनास्थलबाट अन्दाजी ९० किलोमिटर टाढा फेला परेको जिल्ला प्रहरी कार्यालय सिन्धुलीले जानकारी दिएको छ । १९ जेठमा सिन्धुलीको गोलन्जोर गाउँपालिका-७ मा गाडी सुनकोशी नदीमा खसेको थियो ।
उक्त दुर्घटनामा परेर मृत्यु भएका दुई जना कर्मचारीको शव २३ जेठमा फेला पारिसकेको छ। सीटीईभीटी महाशाखा निर्देशक ५७ वर्षीय सहसचिव कृष्णबहादुर केसी र विद्युत प्रशिक्षक ३२ वर्षीय भानु पौडेलको शव फेला परेको थियो ।
गाडीका चालक कृष्ण चौधरीले पौडी खेलेर आफ्नो ज्यान बचाउन सफल भएका थिए।
