गौरीशंकरका उपाध्यक्षसहित २६ पदका स्थानीय तहमा उपनिर्वाचन हुदै

  गौरीशंकर टाइम्स सम्बाददाता  111 पटक हेरिएको

काठमाडौं । स्थानीय तहका २६ पदमा उपनिर्वाचन गर्नुपर्ने भएको छ । पछिल्लो पटक थप तीन जना वडाध्यक्षको निधन भएपछि २६ पदको स्थानीय तहमा उपनिर्वाचन गर्नुपर्ने भएको हो ।

निर्वाचन आयोगका प्रवक्ता शालिग्राम शर्मा पौडेलले मिति घोषणा भएपछि हालसम्म रिक्त रहेका सबै पदको उपनिर्वाचन हुने जानकारी दिनुभयो । प्रवक्ता शर्माका अनुसार दल दर्ता हुने अघिल्लो दिनसम्म रिक्त भएका पदमा उपनिर्वाचन हुने बताउनुभयो ।

पछिल्लो पटक सुदूरपश्चिम प्रदेशको भीमदत्त नगरपालिका–६, कर्णालीको सानीभेरी गाउँपालिका–५ र मधेशको डाक्नेश्वरी नगरपालिका–४ का वडाध्यक्षको निधन भएको छ । आयोगका अनुसार जिल्ला समन्वय समितिको प्रमुख दुई, नगर उपप्रमुख र गाउँपालिकाका अध्यक्ष एक एक तथा उपाध्यक्ष दुई र वडाध्यक्ष २० गरी २६ पद रिक्त रहेका छन् । प्रतिनिधि सभा सदस्य र प्रदेश सभा सदस्यको एक एक पद रिक्त छन् ।

निर्वाचन आयोगले रिक्त रहेका प्रतिनिधि सभा र प्रदेश सभाका दुवै पदको उपनिर्वाचन वैशाख १५ गते हुने घोषणा गरी निर्वाचन कार्यक्रमसमेत प्रकाशित गरिसकेको छ । स्थानीय तहमा रिक्त रहेको पदको उपनिर्वाचनको मिति आयोगको परामर्शमा नेपाल सरकारले घोषणा गर्ने कानुनी व्यवस्था छ ।

त्यसैगरी, सरकारले स्थानीय तहको उपनिर्वाचनको मिति तय गरिएको छैन ।

तपाईको प्रतिक्रिया

सम्बन्धित समाचार