पूर्वाञ्चल विश्वविद्यालयको १२औँ दीक्षान्त समारोह सम्पन्न

  गौरीशंकर टाइम्स संवाददाता  136 पटक हेरिएको

काठमाडौ । पूर्वाञ्चल विश्वविद्यालयको १२औँ दीक्षान्त समारोह सम्पन्न भएको छ । विभिन्न सङ्कायबाट अध्ययन पूरा गर्ने सात हजार आठ सय विद्यार्थी दीक्षित गर्दै पूर्वाञ्चल विश्वविद्यालयको दीक्षान्त समारोह सम्पन्न गरेको हो ।

शुक्रबार आयोजित दीक्षान्त समारोहमा कला सङ्कायमा स्नातक तहमा ८२ र स्नातकोत्तर तहतर्फ ७६, कानुन सङ्कायमा स्नातकतर्फ दुई सय ६४ र स्नातकोत्तर एक सय सात, शिक्षाशास्त्र सङ्कायतर्फ स्नातक तहमा छ सय ३६ र स्नातकोत्तरतर्फ एक सय ६७, व्यवस्थापन सङ्कायमा स्नातक तहतर्फ एक हजार पाँच सय ४२, स्नातकोत्तरतर्फ सात सय ६० र एमफिल तहका तीन जनालाई दीक्षान्तको उपाधि प्रदान गरियो ।

विश्वविद्यालयका अनुसार विज्ञान तथा प्रविधि सङ्काय स्नातकतर्फ छ सय ३४, स्नाकोत्तरतर्फ ५२ जना र इञ्जिनियरिङ सङ्काय स्नातकतर्फ आठ सय ९२, स्नातकोत्तरतर्फ एक सय आठ जनालाई दीक्षित गरियो । त्यस्तै चिकित्साशास्त्र सङ्काय स्नातकतर्फ दुई हजार चार सय ६३, स्नातकोत्तर तहमा १५ जना गरी जम्मा दुई हजार चार सय ७८ जनालाई उपाधि प्रदान गरियो ।

सो अवसरमा अवसरमा विश्वविद्यालयका कुलपति एवं प्रधानमन्त्री पुष्पकमल दाहाल ‘प्रचण्ड’ले उत्कृष्ट विद्यार्थीहरूलाई उपाधि प्रदान गरे । प्रधानमन्त्री प्रचण्डले विश्वविद्यालयको दीक्षान्त समारोहमा आफू तेस्रो पटक सहभागी हुन पाएकोमा खुसी व्यक्त गर्दै विद्यार्थीहरूको व्यावसायिक जीवनका लागि उज्ज्वल भविष्यको कामना गरेका थिए ।

तपाईको प्रतिक्रिया

सम्बन्धित समाचार